• بدھ

• 2020-07-29

لاہور(نیوزڈیسک) وزیراعظم عمران خان سے ورلڈ بینک (پاکستان) کے کنٹری ڈائریکٹر پیچا موتھوالانگوان نے الوداعی ملاقات کی۔ وفاقی وزیر برائے اقتصادی امور و ترقی مخدوم خسرو بختیار اور سینئر حکام بھی اس موقع پر موجود تھے۔ ورلڈ بینک کے کنٹری ڈائریکٹر نے پاکستان میں قیام کے دوران تعاون پر وزیراعظم پاکستان کا شکریہ ادا کیا۔ انہوں نے معیشت کے استحکام اور کوویڈ19 کے حوالے سے پاکستان کی کوششوں اور اصلاحات کے مجموعی عمل کو سراہا۔ وزیراعظم نے ورلڈ بینک کے ساتھ اشتراک کار کا خیرمقدم کیا اور ورلڈ بینک کے کنٹری ڈائریکٹر کیلئے ان کی نئی ذمہ داریوں کے سلسلہ میں نیک خواہشات کا اظہار کیا۔ دوسری جانب قومی اسمبلی میں چیف وہپ عامر ڈوگر نے بھی وزیراعظم سے ملاقات کی۔ دوران ملاقات، سیاسی امور پر تبادلہ خیال کیا گیا۔