لیفٹیننٹ جنرل عاصم منیر کو ڈی جی آئی ایس آئی تعینات کر دیا گیا ہے


  • جمعرات
  • 2018-10-11
اسلام آباد (مانیٹرنگ ڈیسک)پاک فوج میں بڑے پیمانے پر تقرریاں عمل میں لائی گئی ہیں اور لیفٹیننٹ جنرل عاصم منیر کو ڈی جی آئی ایس آئی تعینات کر دیا گیا ہے جو کہ خفیہ ایجنسی کے موجودہ سربراہ نوید مختار کے 25 اکتوبر کو ریٹائر ہونے کے بعداپنا عہدہ سنبھال لیں گے ۔آئی ایس آئی کے نئے چیف لیفٹیننٹ جنرل عاصم منیر کا تعلق پاک فوج کی انفنٹری رجمنٹ سے ہے اس سے قبل وہ ملٹری انٹیلی کے سربراہ کے طور پر فرائض سر انجام دے چکے ہیں جبکہ انہوں نے سیاچن میں ڈویژنل کمانڈر کے طور پر بھی فرائض سرانجام دئیے ہیں جبکہ آپریشنل ایریا میں انہوں نے بریگیڈ کی کمان بھی کی ہے۔ لیفٹیننٹ جنرل عاصم منیر پاکستان ملٹری اکیڈمی کے فارغ التحصیل نہیں بلکہ انہوں نے آفیسرز ٹریننگ سکول میں تربیت حاصل کر کے فوج میں کمیشن حاصل کیا۔