• جعمرات

• 2021-03-25

لاہور (نبیلہ اکبر) آج عزم ویلفیئر فاؤنڈیشن کی جانب سے کاسمو پولیٹن کلب لاہور میں بسلسلہ 23 مارچ یوم پاکستان ایک پروقار تقریب کا انعقاد کیا گیا جس میں مختلف طبقہ ہائے فکر،سول سوسائٹی نیٹ ورک،کاسمو پولیٹن کلب کے اعلیٰ عہدے داروں نے شرکت کی اور کیک کاٹا۔اس تقریب میں سول سوسائٹی نیٹ ورک پاکستان کے چیئرمین اکمل اویسی،ڈاکٹر ریاض اور کاسمو پولیٹن کلب کے صدر ڈاکٹر افتخار بخاری نے شرکت کی اور عزم ویلفیئر فاؤنڈیشن کی ٹیم جس میں ایڈوکیٹ صبا چودھری ،جنرل سیکرٹری شازیہ چودھری،عائرہ چودھری،انعم فیض ،زخرف منال ، میڈیا کوآرڈینیٹر نبیلہ اکبر،تقریب آرگنائزر رخسانہ لیاقت ،چودھری راشد محمود ،عمر ڈاکٹر عدیلہ اور حسنین ودیگر مہمانوں نے پورے جوش و خروش سے حصہ لیا۔تقریب سے خطاب کرتے ہوئے صدر عزم ویلفیئر فاؤنڈیشن صبا چودھری نے 23 مارچ یوم پاکستان کی اہمیت کو اجاگر کیا اور اس قرارداد کا مقصد بیان کیا 23 مارچ 1940 کو قرارداد پیش کرنے کے سات سالوں بعد ہمارا پیارا پاکستان کیسے معرضِ وجود آیا اور اس بات پر زور دیا کہ ہمیں اس دن کو پورے ملی جوش و جذبے کے ساتھ منانا چاہئے اور نئی نسل کو بھی اس دن کی اہمیت سے روشناس کروانا چاہیے اس تقریب میں نوجوانوں نے بھرپور حصہ لیا اور بعد میں تمام مہمانوں کی تواضع لاہوری ناشتہ حلوا پوری اور نان چنے سے کی گئی۔